2022 年 11 月 28 日

美股投資頻道

#投資 #美股 #債券 #REITs #期權 #物業 #優先股

長期跌浪 – 2022年5月10日

股市,債市,crypto都踏入長期跌浪,基本上買乜都跌。最好策略係乜?

比較進取既人可以造淡,但跌左咁耐,好多股票價格唔高,造淡風險高,我自己好少造。但一啲估值高既股票少量造淡,例如買put options,風險會細啲。例如Tesla,相對仲係貴,萬一如果上海封城對下季業績有影響,可以造成股價大跌。不過我自己唔會造淡Tesla。始終買平嘢風險細啲。

另一策略係乜都唔做,放暑假,升跌都難估,唔做可避免錯誤,等個市跌定再算。應該比較適合大部分人。

我自己就選擇性慢慢收集一啲股票同債券,不過會謹慎好多。例如買營業額升,利潤升,PE低,再加有回購同insiders都買緊既股票先加注。子彈唔係無限,襯特價買貨,不過可能日日比前一日再特價,所以買係少少買,分散買,再預留20-30%現金睇下會唔會有終極大跌。