2021 年 11 月 28 日

美股投資頻道

#投資 #美股 #債券 #REITs #期權 #物業 #優先股

美股繼續升 – 2021年11月2日

美股繼續升,成個組合大部分股票都升,不過有2隻揸得重啲既表現跑輸大市。

第一隻跑輸既係WHR,平均成本大約215(冇計期間期權金收入)。暫時業績好,不過冇預計中好。面臨可能挑戰包括物流及晶片供應。

強如亞馬遜都因為Covid同物流攪到差啲冇錢賺,其他有物流需求既公司面對既問題應該唔細。不過whirlpool係歐美已經做到好大。係英國屋企用緊既Beko,Hotpoint甚至好多主要品牌都係Whirlpool擁有。唔用佢唔係好多其他選擇。物流有問題,跟住同客仔加價。所以照計冇大問題。

另一挑戰晶片比較難睇啲。始終雪櫃,洗衣機及白色家電都係低科技,冇晶片未用舊晶片或再低級啲既晶片。始終唔係複雜野,搵替代品比較易。

至於第二隻重貨又跑輸大市既係RKT。大通脹年代,一個穩定經濟體既樓市冇理由唔升。我自己睇好美國樓市,RKT就算冇增長都唔似會冇生意。Mortgage broker好多時都講network講關係。RKT已經做到美國最大broker之一,繼續睇住先。

以上2隻繼續耐心持有。不過以後用平均成本法要再拖長啲,唔應該入得太快。變到影響整體組合表現。