2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

由Love Letter到Last Letter – 2020年9月8日

mail

除左日本動漫之外,我都好鍾意睇日劇同埋日本電影。25年前既情書可能係其中一個令我去北海道既原因。今年既Last Letter繼續含蓄,細緻。始終日本人既文化對錢睇得比較輕,好多時係重視人與人之間既關懷同感情。

雖然已經過左25年,但今年初係小樽滑雪時仲見到情書既海報。到左Last Letter,拍攝地係導演岩井俊二故鄉宮城縣拍攝。宮城係其中一個311受災最嚴重既地方。經過差唔多9年時間,好多日本人無私既付出令到一個人間地獄慢慢重建。

係戲裡面一路表達出導演故鄉既美。及至後來荒廢既學校,再做紀念相冊交比妹妹,由死去既媽媽對在生女兒既祝福,到最後男主角重拾寫作動力。人與人之間既關懷可以令所有人生活得更好。

男女間愛情亦都係一樣,無分年齡,大家相識,傾計,暗戀,拍拖,分開再相遇,好多野都係緣份。就算係七,八十歲既老人都唔應該放棄愛。戲中重點在於活在當下,做你想做既事,表達對你鍾意既人既愛。

我唔知電影實際拍攝日期,但係無論戲中劃漫畫既爸爸,到女主角既畢業典禮,清晰表達左日本人對香港人既愛同支持。

今次篇文同投資無關,但亦可以話有關,因為投資既最高境界就係學識錢以外,有乜嘢應該珍惜同埋義無反顧去做。睇日本人做野既細緻,認真,為左受苦既人同追求普世價值既人給與無私既支持。