property

萬般帶不走 – 2020年9月17日

移民進入最後直路,淨返唔夠10日,日日都好多野要做,除左搵學校,搵airbnb,搵屋,執野,賣野,賣樓,non stop做左幾個月都未做晒,不過做唔做晒都係要走。

最抽象既野就係回憶,雖然自己第二次移民,但都係會唔捨得。人生大部分重要既事都係香港發生。尖沙咀海邊,愉景灣,橋咀島,塔門,彭福公園,孫中山公園,好多地方都好靚,好想再去。

帶唔走既野好多,例如父母,佢哋話唔想去外國,淨係想留返係香港。其實我都明佢哋點唸,一個地方住左幾十年,又年紀大,攪次移民佢哋會覺得煩同唔適應。自己有時都對佢哋好差,雖然意見唔同,但係佢哋始終都係對你最包容,最錫你既人,意見點唔同都唔應該對佢哋發俾氣。珍惜一齊既時間。

跟住就係香港一班朋友,雖然都有一部分會去英國,但係大部分既朋友都留係香港。一個地方你鍾唔鍾意,除左環境,好大程度就係人。香港就算有乜唔好,始終都有一大班好朋友係度。

雖然賣樓賣左半年,但都仲有20%未賣出。至於個人物品,又係一大堆係度,好多傢俬放上網免費送,希望有緣人攞到。其他未賣晒既物品,可能又塵封十年八年之後再算。

仲有MPF,難過射火箭去火星。第一次移民時唔攞真係on居。

但係英國有一樣野係我好響往。希望去到可以自由自在咁生活,將香港人既精神發揚光大。其他想走既朋友要快啲,尾班車唔知幾時開。祝願大家平安。


已發佈

分類:

作者:

標籤:

留言

發佈留言