2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

Lemonade保險AI股 – 2020年7月21日

3

我自己做AI,絕對明白AI可以係醫學,軍事,物流,金融等等唔同行業有幾大影響。今次貼地啲講下保險。

保險既工作絕大部份可以用AI取代,比人做得更快,更平,更準確。賣保險要做嘅嘢係個客填資料,保險公司計算出事Claim錢機會大唔大,計個保費,個客比錢買,出左事填form claim錢。Claim既百分比一般好低,如果高過正常就會加保費甚至拒絕受保。

用嚟計收幾多保費就係精算師做,有左formula就搵啲clerk或者manager去approve個保費先賣比個客。好大程度係跟據賠償額同機會率去計出個最終保費。

用AI,簡單講,個客係隻APP入晒資料。AI model跟據輸入資料計算以往同樣或類似background既客仔claim錢既機會,自動計算出保費,甚至個客仔出術既機會再決定保費同受唔受保。到萬一claim錢時,可以用AI既computer vision對晒啲單有冇問題,再決定批唔批。成個過程完全可以AI做晒,比較複雜既部份係claim保費,不過只佔要處理既好少部分,可以用人協助減低全AI化既成本同風險。

Lemonade(LMND)就係用緊AI做保險既公司。你唸下一般保險公司要請1000個人,要1日出quotation,要14日做claim,淨係正常辦公時間做嘢。Lemonade大約用100個人,1分鐘出quotation,要7日做claim,24 X 7。當然以上數字全屬假設。但如果做AI做得好既公司,絕對可以比我既假設做得更好。

做AI要睇CTO。Lemonade個CTO,Shai Wininger,睇個CV唔係流既,實實在在做過一啲做得唔錯既公司,例如FIVERR。

再睇近3年,客戶,revenue都增長得好快。蝕錢都蝕得越嚟越少。$29蚊IPO,我上星期$78入左,少注,如果有機會跌多啲會再買。但暫時唔會買得多,要睇耐啲。當傳統保險公司反應慢,收錢快,claim錢慢,保費又貴。慢慢客仔會揀去Lemonade類既AI公司。其他行業都一樣,大勢不可改。

至於風險就係佢主力做地產相關保險,依家成個市場受疫情影響,需求一定細左。不過同樣地,客仔窮左,佢哋都會搵平啲既保險平台,Lemonade都會受惠。