2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

債券輕鬆賺20%回報 – 2020年2月4日

student loans

上次講債券入門,今次搵一隻實戰下。睇下點樣可以買Navient Corporation(NYSE:NAVI)債券輕鬆賺20%回報。

大家可能好少聽過呢間公間。主力做放數,最大既學生貸款放數公司。學生走數好平常,不過依家失業率低。說算學生走數,走到咁上下都收唔返就聯邦政府同半政府機構上身,所以雖然放數有風險,但係政府back既就風險細好多。當然大家如果熟讀歷史,應該記得2008當年都係半政府機構back都出事先有後來既次按。

除左政府back。點解覺得呢間公司債券可以投資呢?首先就係有4年派息,派條數唔細,如果唔掂可以減派息黎保住間公司。另外,利息走勢都係平或向下,對佢哋再融資有好處。亦都有利好因素買返自己以前既貴債,再出啲平債。再睇下balance sheet唔係靚,不過都正正常常冇乜走樣。依家BA3評級係低,但最近業績唔差,短期冇降級風險。

總結,由於有特殊政府擔保加埋有一定buffer,可考慮短期既債(2-3年),如果想回報高啲,長少少都得。雖然最近升左好多,但加埋槓桿,長債其實收20%以上唔難。大家可以係IB個bond scanner搵,有問題可以留言,我會覆。以後會講多啲唔同種類既債券。