2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

1蚊雞利豐 – 2020年5月12日

trap

今日又講下香港,利豐$1蚊雞私有化,俾人媽叉到跳舞。昔日Hardvard business school經典案例,今日窮途末路。

有好大部份香港人買股票唔係好成熟,成日有錯覺公司派息好穩陣,就算股價跌,一路唔放有息收就得。再加上香港個市場品流複雜,一般人冇足夠戒心,多多都唔夠輸。匯豐完又到利豐。

又聽過有人成日買1仙股,覺得冇可能跌,只會升。又錯晒。可以合股,10合1,100合1,1000合1,再跌過。又可以供股,焗你輸多啲。或者好似利豐低價私有化。再變態啲既玩法,停牌,等你1仙都收唔返。

不過就算係咁,仍然成日聽到有人話買港股收息,越跌越溝。通常熟人我會溫馨提示一次,但如果佢唔聽我都冇辦法。仲有恐怖啲嘅放幾千萬買中國4大銀行話收息穩陣,堅冇眼睇。

仲有好多人又冇留意香港投資者只得15萬保障,又有人放幾千萬係香港壞脹蝕左唔知幾錢既銀行仔開private bank。似乎大家真係對香港銀行有好大信心。又有人話十幾廿里既內房債好抵玩,我聽到都驚。

跟住琴日又聽到有人話岩岩係香港買寫字樓。雖然,我有時都會覺得自己睇香港睇得太淡。但係高槓杆,高失業,經濟free fall,搭電車大街有一半以上鋪執左,又有人玩串母親節,美國hk policy act都未出招,點數都數唔到點解可以咁鬆懈。