搏反彈 – 2021年3月10日

美股終於有次似樣啲既反彈，不過如果去買啲長期蝕錢既科技股係有風險嘅。

我就加左少少MSFT，風高浪急既市況下都可以安心瞓覺。Ark都升好多，不過都係要忍手，始終都係all in冇盈利或盈利唔高既股票，萬一隻ETF繼續被沽都有機會繼續插。雖然長線睇好，但短期市場極度興奮同極度絕望都會令到個ETF manager唔係隨心所欲去投資，被迫做一啲佢唔一定認為岩既投資決定。

Tesla繼續升市short call，跌市平倉，好似做Uber密食當三番。一個月走2，3轉，都食到$30-40，超過5%都幾好。不過其實我未揸過Uber。不過係歐洲人同人既關係close啲，所以都會幫下有需要既人，揸車接下朋友啲細路放學，送鄰居去睇醫生，車下朋友咁。揸得多手車都進步左，有時又可以幫到人都幾開心。

其實options都有時令我賺少好多錢，例如Viacom，$30買，沽$50 call options點知爆升到$80，嘔血。有時買啲悶股既call options超平，但中左賺幾十倍。有時間真係應該研究下。