免費英國地址秘技 – 2020年8月21日

之前講過申請英國免費PO BOX，不過由於銀行開始唔接受PO BOX。如果你唔想俾錢，今次就教大家免費申請英國地址。

首先去LOTPOST，申請戶口，登入。揀樂郵倉地址網頁。見到英國自營倉地址。見到以下資料。

填銀行地址時寫John XXXXXX Chan Unit 1066 145-147 Boston Road London W7 3SA。記住要將紅色字當地址一部分。

我申請TransferWise時應該係英國樂郵倉7月29日收到卡，但由於樂郵倉一定要有Tracking number先可以自己申領郵件，就算你搵CS，佢地都係叫你等。最後，係8月11日先係樂郵倉網頁見到係英國倉有郵件。跟住係樂郵倉貨品認領網頁選擇寄香港，價值可以入$0.1。最後係8月19日收到SMS，可以上去香港集運倉收貨，郵費＄24蚊。

用以上地址應該可以申請大部分英國銀行戶口。不過如果大家需要戶口應該盡快開，因為近排開戶明顯越嚟越緊。之後去到英國再轉返住址。首先，用VPN駁左去英國先。再按此連結開Transferwise戶口，入200鎊會送5鎊，cover返你申請debit card既5鎊。重申一次Transferwise Borderless戶口用既唔係傳統政府保障方法，我自己都係入少少錢做食飯，搭車，買嘢用，暫時唔會放好多錢入去。下星期會再出詳細Transferwise教學。