caution

Luckin到Zoom投資定賭錢?- 2020年4月7日

近期最熱既新聞都係Luckin瑞幸㗎啡(NYSE:LK)同ZOOM(NYSE:ZM)。投資路上每個人都會犯錯,最緊要係知道錯在那裏同以後唔好犯同樣既錯。一定要攪清楚自己係投資定賭錢。

以前我都講過點解我清晒所有香港同大陸股。香港有無限老千股,10合1,100合1,賤賣資產,天價注資,騙徒手法層出不窮。有時會唸交咁多稅用黎成立證監,又商業罪案調查科,又ICAC,點解小投資者仲好似要打埋佢地份工去查去估間公司有冇古惑。當然唔係間間公司都係咁差。但係香港監管咁鬆,作為小投資者好多時都係硬食。至於大陸股就講個「信」字,你信零確診,你信保5,你信內銀仲有增長百分之五,你信壞脹百分之一,最後仲夠膽瞓身買話收幾個巴仙息好開心用黎退休,我會覺得你未交夠學費,祝你好運。有懷疑時,我會先假設一隻股票有問題,賺少一次錢好過輸一鋪勁既。

去到美國市場,最近同樣出現瑞幸做假脹同Zoom安全問題,共通點係邊唔需要多講。長遠對中國品牌去世界集資都有壞影響,1,2間公司做得唔好,連累到其他發展得好既中國公司。美國本土都有唔好既公司,但起碼監管制度上有保障。至於一般唔想特別花心機既投資者,其實可以買S&P ETF(如IVV,VOO),係一個制度比較完善既投資市場買一籃子成份股,長線已經好大機會跑贏好多股票,起碼睇落個list係best of the best,幫你filter out晒妖股,而且分散左風險。額外仲可以用期權槓桿或者3倍ETF同時操作。


已發佈

分類:

作者:

標籤:

留言

在〈Luckin到Zoom投資定賭錢?- 2020年4月7日〉中有 1 則留言

  1. […] 首先大家可以睇下呢啲調查機構點做野。通常佢地睇目標公司年報,初步搵出懷疑有問題既公司,然後用盡方法調查,再大手沽空,然後向外公佈,等估價跌賺錢。例如調查Luckin,渾水用左92個full time加1400個part time共981man days去調查。包括每日去佢地鋪頭數人頭,搵人入去做part time,一早一晚落單對單number,調查佢地既suppliers,睇貨車出入,搵佢地既客戶做survey。專業程度好睇過TVB啲膠劇100倍(哈哈,雖然我好多年冇睇)。有品味既觀眾當然可以睇下Netflix既Dirty Money,節目內有好詳細講公司點造假,仲有一集講大家好熟悉既HSBC點洗黑錢。 […]

發佈留言