2022 年 7 月 6 日

美股投資頻道

#投資 #美股 #債券 #REITs #期權 #物業 #優先股

聖誕快樂 – 2021年12月25日

Christmas

原本打算聖誕節去歐洲滑雪,但係由於travel restrictions。又要被迫取消滑雪。最後同亞女去左睇大舊石。天氣唔係幾好,不過舊石係幾宏偉。返黎後有啲咳,希望唔係中左covid。

聖誕節一向都冇乜特別慶祝。以前多數都係去旅行,唔多留係香港。自從2018年開始就重視左聖誕節。2018年過左一個最開心既聖誕節,當年朋友12月去日本玩。雖然鏟雪好攰,但北海道落雪真係好靚。之後仲一齊返香港過節。當年唸如果每年都可以咁就好啦。人生好簡單,同你愛既人一齊生活,enjoy life,就係咁簡單。當年真係覺得每年都可以咁做,唔會突然之間乜都冇晒。

2019年聖誕自己一個人係北海道過,悶係悶啲,但都仲可以日日去天狗山滑雪。天氣凍,但心裡面要練好滑雪同學snowboard再教人團火令自己勇往直前。

2020年9月去左英國,冇幾耐急急腳聖誕前去左愛爾蘭。聖誕節係酒店lockdown過。要自己過同冇得滑雪,真係唔慣。不過之後係當地識左班新朋友,仲個個星期去跳舞,都幾好玩。

2021年6月,要同最好嘅朋友分別。又會唸起以前聖誕節食KFC既快樂日子。過節食乜,做乜都唔緊要,最緊要係同邊個人一齊過。再唸返其實好多野都唔係必然。返去5年前,我唔會唸到要離開香港,離開親人,唸唔到返唔到日本,唸唔到想滑雪都咁難,唸唔到要同最好既朋友分別。有好多理所當然既事原來可以一夜消失。當失去左之後要搵返真係咁難。所以希望大家可以珍惜當下擁有既一切。

做人應該每日都快樂,唔係淨係聖誕節先快樂。