2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

資金避風港 – 2020年8月19日

caution

香港打大風,成晚嘈到冇覺好瞓。投資市場一片好境,但其實同天氣一樣,市場變幻莫測,大家都應該做好防風措施。

我個組合有一半以上現金。現金部分包括美金,日元,英鎊,新加坡元,港元同Bitcoin。美元始終佔最大部分,因為會用黎投資。英鎊有一部分比移民用。日元就係收租儲返黎。新加坡元就係之前賣REITs未轉返。港元盡量夠日常用就算。Bitcoin只佔極少部分。當然美金一路跌緊,唔應該長揸,但係轉左第隻貨幣又投資唔到,最尾又係要轉返美金做投資,所以費事成日轉黎轉去。

債券好多優質或劣質既公司債都超貴同超低回報。冇乜野買得落手。

港股,一股不留。

物業,賣極都有,繼續賣。

美股科技股有大約百分之十五,雖然我睇好科技股,但大部分唔平,甚至乎係好貴。所以增持時都好係小心,分段同選擇性。雖然我揸緊Apple,Facebook,Microsoft,Tesla全部都升好多,但係都要小心。唔好亂加注。當然亦冇理由賣,繼續長揸。

一啲落後又有增長既傳統股份大約佔百分之二十。雖然股價唔係點郁或者跌少少,但係加埋期權,都唔差。不過我好肯定有好多公司會出事,所以好多股都要避開,例如REITs,零售,旅遊,能源。其實淨返冇乜可以揀。睇業績一定要睇埋疫情後既業績,同埋預計疫情如果變左永久性對你想投資既股份有乜影響。

黃金,我自己冇買,不過我覺得係可以考慮

最後,雖然係好無奈,但暫時都係偏向現金多少少,當股票有調整就每次買啲嘢。如果唔調整就繼續short put options,賺返輸左既美元匯率同opportunity cost。

亂世之下,保存彈藥,準備隨時出擊。