2021 年 5 月 12 日

美股投資頻道

#投資 #美股 #債券 #REITs #期權 #物業 #優先股

BNO英國慳錢貼士 – 2021年4月28日

supermarket

BNO移民去英國,一闊三大,唔係個個都大埋把錢唔懮做。雖然除左交通外,英國大部份野都比香港平。不過今日講英國慳錢貼士希望可以幫到生活費唔係好充足既香港朋友。

第一就係善用購物回贈,差唔多每間超市都有會員卡儲分。不過條數太細,大約係0.5%。第一個慳錢貼士就係用TopCashBack,按連結開戶,即免費收$5鎊,然後每次都用自己戶口條Link去Amazon,eBay,Aliexpress,Nike,Tesco等5000間online store買嘢都有1%以上回贈。例如最常用既Amazon有2.5%回贈,有啲鋪多到十幾廿巴仙都有,抵到爆。其他電話,上網,水電煤簽約一樣有一百幾十鎊回贈。

第二就係自己煮飯。但買餸係有技巧。英國超市每日大約晚上七點半後就將到期食品一折賣,即係90% off。香港啲到期食物見到都想嘔。但英國超市肉類多雪藏,今日到期,你買左放雪櫃再過幾日先食絕對冇問題。麵包買左第日做早餐或雪住放多幾日。生果就一時時,靚就買,唔靚就買返正價。但其實英國最貴係肉(雖然已經比香港平),所以節扣時段買野超抵,買2大袋肉,麵包,甜品加埋都係3鎊落樓,正常起碼20鎊以上。超抵。

至於新移民要既傢夥,電器,雜物,有好多二手網站或App(如Trash Nothing)免費送。或者自己有舊野可以送俾人,唔使特登約時間揸車去回收中心。至於二手有冇好野,主要睇你住邊區。有錢人區有好多好野。或者你唔介意揸車遠少少攞都得。我買晒新傢俬先知。好多時啲人送啲二手傢俬都好新。又慳一筆。有時連高級音響/相機都有(Marantz CD, Canon DSLR),不過都係要快,好多時好野一出好快冇。

至於交通,如果可以踩單車去到,可以當做運動。或者買月票,年票都有節扣。如果揸車去城市,睇下附近有冇超市,幫襯買樽水,2-3蚊港幣可以泊2-4個鐘,抵過拍停車場。不過要有啲公德心,如果好繁忙既地方,盡快走唔好霸個位咁耐。主要適合經過有少少野做快快手走人,又唔想比幾鎊泊車。超時係會罰錢既。另外,如果目的地附近有住宅區(大城市除外)或公園都有免費泊車。買車揀慳油除左比少啲油錢,稅都比少好多,同埋貴價二手車保險貴2-3倍。頭一年香港牌可以差2-3萬港紙保護。搵架代步二手日本車,一年保費7-8千港紙,之後換咗英國牌加NCB後就可以考慮改買貴價車。至於汽車保養,有興趣可以睇YouTube係自己屋企個車房慢慢玩。

匯錢去英國,唔好益獅子銀行,用transferwiseIB,匯十萬都慳2-3千,最緊要幫自己出返啖氣唔用賣港銀行。

有時得閒可以按連結登記Costa app免費3鎊(需要一次購物)請你飲㗎啡。

最後,英國租樓係比一個月左右按金就得。千祈唔好俾人呃話要6個月或一年預繳。企硬。業主或經紀唔肯大不了搵另一間屋。

所以只要用少少技巧,英國生活可以超平同超高質。

0 0 votes
Article Rating
0
Would love your thoughts, please comment.x
()
x