Monzo探秘 – 2020年6月29日

本來唸住寫篇Revolut，即係Monzo既competitor，但係原來上網開戶要排隊。大家如果想睇下我既用後感，可以按此登記email同電話號碼，佢應該都係唔俾你開戶口，淨係叫你排隊。但係，Revolut話如果多人經上面個連結登記，咁我應該唔使排咁耐，可以快啲開戶口出文俾大家睇用後感想。因為係英國我確實需要多幾個戶口。

講返正題，Monzo其實都簡單易用，不過為方便大家，今次出文講下有乜功能大家可能有用。

第一個係saving pot，淨係比你將錢分唔同地方，冇利息。

第二個係Easy Access Saving Pots，有唔同時間，最短係下一個working day可以攞錢，依家有0.5%利息，有statement俾你睇賺左幾多利息，每月一號派息。

Pot可以揀入幾錢，定期自動入錢，或者lock左佢幫你儲錢，自製card design。

另一個功能就係可以幫你將消費分類，你可以係將卡下面見到消費紀錄。Monzo已經自動幫你分類，但係如果你覺得分類唔準可以自己改。咁你每個月，每年都睇到自己既消費習慣。

最後講其他功能，係current account下面按account，你可以將account number等資料share俾人，方便人轉錢比你。亦可以改密碼，報失卡，設定限額，限制賭博，睇statement。係張卡向左拉，去到things you can do with monzo畫面，仲可以睇overdraft，loan，公司戶口，電費扣減，食飯分單，開聯名戶口等等。不過暫時我都未試過，遲啲去左英國有機會試完再分享。