2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

走鬼賣唔切樓點算 – 2020年7月6日

caution

多左好多人因BNO既平權後打算移民,但係香港既資產未必短時間處理得切,或者有啲貴樓冇咁易市價賣得出。其實可以考慮用mortgage按揭draw錢。將錢轉去英國繼續生活。

雖然我本人唔睇好香港資產,但其實好多人就算去英國都想繼續保留香港資產。或者依家個市賣唔到好價所以唔想係現在既價格清倉。其中一個做法係將層樓做按揭mortgage或加按remortgage。咁做你可以即刻有筆錢去多去國生活,短時間對沖左港幣下跌既風險(因為你可以將加按既錢轉為外幣),保留左香港既資產,可以將物業出租抵消供款。

唔好既地方係,你仍然揸緊香港資產,如果樓市大跌你既資產會跟住跌,香港既租金收入當你去到英國會當foreign income繼續比香港稅,有淨既差額比Income Tax英國稅,你唔係香港但要管理香港既樓有overhead,如果遲啲賣樓賺左錢要比Capital Gain Tax資產增值稅比英國政府。

當然以上既稅有部分可以合法減低,但點都一定係比多左。