2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

四平八穩Ms.FAANG T – 2020年8月3日

robot

科技巨頭全部出晒業績,總結大部分都比預計好,進一步確定科技領導世界既潮流。上星期有留意討論區既朋友應該賺唔少。我會從以前既FAANG改成Ms.FAANG T。今日會逐一講下最近業績同短期走勢。

首先Ms.FAANG T代表,Microsoft,Square(或Shopify),Facebook,Amazon,Apple,Netflix,Google,Tesla。 四平代表有其中4隻比較平(或者合理),8穩係代表長期穩定增長。

首先Microsoft,之前有寫過業績分析,大家可以睇返。Microsoft有增長,業務多元化,估值合理,應該係8隻裡面最平均既一隻。佢未必升得最勁,但係一定係長遠最穩陣既一隻。

另一隻估值合理既係Facebook,係疫情同boycott下仲有強勁增長,未來廣告會進一步集中網上廣告。Facebook係社交網絡既地位好難係短時間內有任何動搖。純利率高,掌握所有收戶數據,再變成廣告收入,就算出面lockdown,佢反而攞到更多廣告收入,真係好impressive。

跟住Google,都係廣告為主要收人。外加Youtube同一大堆AI既科技。比單一收入既Facebook會安全。原本預佢Q2好差,點知同Facebook一樣,冇想像中咁差。當然Google收入少左。但係Youtube既發展未用盡,手上大把錢,再加上AI上既大量投入,長線值得期待。如果襯今次業績下降等股價下滑,可以用更合理價格去買。

同樣Apple都唔貴。乜鋪都閂既情況下都交都貨,唔簡單。當然Steve Jobs死後,都見唔到有靈魂既產品係比較失望。5G都一路delay。好既方面係Apple Glass吹緊風,到時可以睇下做成點,如果做得好,發展潛力好大。令外業績都有增長同股份拆細都利好。現股價合理。

Amazon其實係慢慢發展,好有心機做好所有基本野,佢哋唔係急進派,好多時一路做一做等機會。無論書店,網購,超市,影視等等,好容易睇到佢哋既野心同耐性。未必短時間有野爆出黎,但係好多時係馬拉松既贏家。唯一問題係現價貴。

Netflix我一路好少講。因為拍戲係燒錢,依家疫情想燒都燒唔到。一如所料,大家係屋企所以用戶都一路升。佢有啲劇唔錯,一個月費去到全世界都睇得,而且有critical mass,所以都係一盤穩定既生意。問題係冇乜創新,冇乜科技,財務上可唔可以繼續改善,股價一路都好貴。

Square用細階表示,因為我覺得個business model同concept都好好。但係未到領導地位。Execution都要再觀察。但如果一切順利,Square就會主導未來既金融科技。Cash App既空間好大,但可唔可以將佢變成global或者再extend capabilities都係要留意既事。技術上我唔係好擔心,反而係各國政府會唔會咁容易比你攞佢哋銀行既生意。Fintech係大勢所趨,一定會發生,Square有機會成為Market leader但有好多英國Fintech如Monzo,Transferwise都做得唔錯,只不過佢哋唔敢行得太快。另一隻s係Shopify,專門幫人做online store,比以前既wordpress更user friendly收費當然貴左,不過食正online store條水,技術比較低其他人要做都唔難,優勢唔係特別大,除非之後做多啲supply chain,payment同自己既capabilities enhancement。

最後Tesla,有人睇得好好,有人睇得好差。我自己鍾意睇事實。從做電動車,太陽能,火箭,太空上網,Elon Musk係一個奇人。佢同Steve Jobs一樣charming。有好多人都係識齋吹,但係Elon確實做緊改變世界既事。係咁多間公司既CEO入面,佢係唯一一個令人好期待既人。雖然Tesla賺好少錢,雖然佢哋既車仲有好多缺點,雖然股價依家好貴,但係如果你係一個真正相信科技改變世界既人,會被佢吸引,真心投資Tesla一齊參與改變世界。