jail

監獄債券,另唔另類先?-2020年2月8日

今次又講債券,債券追求既係低風險,唔太低既回報。今次又係另類野GEO Group。

同上次Navient差唔多。都係做政府生意。美國既監獄同香港唔同,係可以俾私人公司營運。當然係長年累月既網絡先攞到返黎做。做政府野既好處係穩守,正常好難做到蝕錢。你唸下監獄管理唔係講少,你想轉倉真係冇返3,5,7年都轉唔到。同埋政府心態多一事不如少一事,我點解要煩自己去轉倉。得罪講句,啲監犯冇大獲野,唔死就得,我做官點會搏轉倉,唔覺意走甩左個,超大獲。所以監獄營運都係好穩定同賺到錢既行業。公司由1984年到依家都超過35年歷史,都唔係新鮮野。

早排GEO4353019跌到$80,因為民主黨提意監獄轉返國營。一來民主黨唔係咁易贏,2來有現有合約,3來當民主黨贏,又真係轉,都唔會咁快發生。所以2026年到期既債券風險唔高。先家升到$92。票面6.5%,如果揸到2026年到期有7.6%。再3倍槓桿又接近20%。真正低風險,唔太低回報。

有需要可以由債券入門睇起。


已發佈

分類:

作者:

標籤:

留言

在〈監獄債券,另唔另類先?-2020年2月8日〉中有 4 則留言

  1. 「KC Fung」的個人頭像
    KC Fung

    你好,想請教下呢隻債仲係唔係好選擇? 因為拜登好大可能性選到總統,呢樣風險文章中有提及過,相信債價好大可能係呢個原因最近個價隊到落黎70樓下,Yield上到15厘,頗為吸引,小弟都計劃緊移民所以開始研究被動收入,但對債券認識只屬皮毛程度。你另一篇文章都有提過買債券只要間公司唔執笠還得起錢就OK,然後小弟開始睇下財務報表(年報),不過小弟對財報呢項真係好半桶水,想請教下呢間公司過去4年利潤都差唔多維持到,總資產變動都唔大,但流動資產上兩年跌左一半,呢part問題大唔大呢? 現金流有啲波動但好似都係可接受範圍(?) 想請教下除左上面呢幾項買債券仲有無咩特別需要留意呢? 感謝撥出寶貴時間賜教,祝英國生活順利愉快!

    1. 「投資者」的個人頭像
      投資者

      2026年到期,要美國政府完全公營監獄冇可能。但有機會減部分私營合約絕對有可能。依家revenue同收入慢慢減緊。最多係減慢或唔跌,要變返有增長唔係咁易。當然最先受影響係股東,派息已經由0.48減到0.34。因為派息原本一年2億幾,依家減左30%對財政一定有幫助。所以收入減,派息減係會繼續一段時間。短期2-3年維持債券派息應該冇問題。但2026年既債係有少少長左啲,我自己有揸少量2023年4月到期既。80蚊左右。除返每年都接近15 厘。比2026年既風險低,平均年回報應該仲高少少。

      1. 「KC Fung」的個人頭像
        KC Fung

        我都是去瞭解多啲先去做決定,謝謝賜教

        1. 「投資者」的個人頭像
          投資者

          好,可以考慮債券ETF更低風險,我遲啲都會出文講下

發佈留言