2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

Nvidia Mercedes聯盟 – 2020年6月24日

傳統車廠不停搵科技公司救忙,未來既汽車公司一定要有好強既科技背景。無論VW,BMW,Mercedes,Toyota全部都想進行改革。

做左成100年傳統汽車,其實汽車實在既改變唔多。有改善,但唔係改變。直到歐洲有法例去迫啲廠轉電動車。跟住依家先慢慢轉電動車。不過舊有車廠要轉型做電動車一啲都唔易。啲工人完全熟悉汽車製造,但電動車其實除左個外殼同車軚之外,裡面既野有好多唔同左。生產流程亦都唔同晒。仲有舊廠有好多步驟都仲係靠工人。所以一面佢地要維持汽油車市場,同一時間要轉型開發電動車,難度加倍。

做電動車電池極之重要,不過Telsa同唔同廠商合作左咁多年,已經有一定優勢。可以等埋近期既Battery Day就會再清楚個差距大成點。

至於自動駕駛,我覺得唔係必須,不過人都係懶。如果自動駕駛做得好點解唔用。而做自動駕駛既就係要科技。傳統車廠完全冇咁既能力。所以Mercedes拍Nvidia係一個好正確既決定。但係已經比Tesla慢左10年。100年前既10年都仲可以追。但依家唔好講10年,10個月都唔係咁易追,仲要你追嗰間係Tesla。再加埋Tesla既車其實有好多sensor同cam,直接比返Tesla去訓練自動駕駛。例如落雨,水浸,雪地,有動物衝出馬路,爆軚等等。簡單講咁多年所有Tesla係路面駕駛既經驗一路改進佢哋既自動駕駛。其他公司連尾燈都見唔到。

不過,依家個價係貴,無論跌幾多都唔個覺得平。不過事實上,Tesla真係好大機會係5-10年後贏晒大部分歐洲同美國市場,1年加埋賣3300萬架車。亞洲一年賣3000萬架車。當歐美有20% market share,亞洲有10% market share。一架車當賣港幣20萬,20% profit margin,賣960萬架車(大約係Toyota依家既生產量)。咁Tesla一年賺到既錢係500億美金。咁依家個價就超平。