2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

油價爆上,唔好跟車太貼 – 2020年4月3日

Oil

琴晚侵侵出個Twitter post油價升到飛起,不過美國冇乜特別原因想係依家推高油價。大家唔好跟車太貼。另外會再從油價看美國經濟怖局。

未有岩頁油(同普通石油用途差唔多,除左唔適合作汽車汽油提煉)前,沙地同俄羅斯的確可以某情度上用油價黎迫美國。但自從幾年前美國提升開彩岩頁油技術,依家佢地已經由石油入口國變出口國。美國岩頁油生產成本最平去到$26.9,而大部份平均$40。沙地成本$10,俄羅斯成本$20。俄羅斯等錢使,沙地呢幾年繼續食老本,前景暗淡。

再睇美國其實想借貿易戰令更多工廠搬返美國。先用關稅減低中國貨價格優勢,減低技術外流同翻版貨問題。跟住係本土開工廠要能源要電,美國內陸有大把油其實好配合政策,內陸又有大把地,再加Tesla無人貨車,用AI去run工廠,5G通訊,順便製造埋內陸就業機會。

所以從外在環境睇,美國政府唔想油價太高阻礙經濟復蘇,只要大嗰幾間油公司唔執笠,美國內陸發展就繼續有平油用(當然搬完廠想唔想靠出口岩頁油賺錢又另一個故事啦)。俄羅斯等錢使,冇bargaining power。沙地洗腳唔抹腳。變左好大機會美國主導油價。所以可能油價大約最多去到$40-50就會停。不過以上美國既怖局亦好可能比肺炎打亂左部署。原油需求因肺炎大跌。經濟活動有一段時間大大減慢,電動車發展亦大大減低原油需求。另一方面,依家肺炎令到唔同國家開始有財政問題,茅盾越嚟越多,軍事衝突既機會增加,萬一有戰爭,對油價會有正面支持。

結論,油價中短線唔大機會維持$50以上。如果投資油公司只會有少部分有營利,值搏率唔高,由其依家個市更應該小心選股,唔似升市時買乜都賺。

參巧, Leveraged Commodities ETF(唔識買千期唔好亂買,有時間會詳細D講):
https://etfdb.com/etfdb-category/leveraged-commodities/