2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

終極走資 – 2020年4月28日

money

之前都有講過MONZO同IB配合走資,又提過CHARLES SCHWAB。依家香港好似風平浪靜,有人去買樓,股票繼續升,商場開始多人行。我覺得係龍卷風前夕,大部份人完全冇防風意識。

岩岩上星期五經CHARLES SCHWAB用ACATS將部份現金由IB轉去CHARLES SCHWAB,但原來比直接用現金結算慢,大約要幾個工作天。因為CHARLES SCHWAB係百份百係美國,而IB係香港分公司(絕對受香港政府同法列監管)。

香港本身失業嚴重,好多人冇工開,冇薪假,中小企好多生存都有問題。睇返美國,日本,人民唔掂,政府即刻派錢,即刻收錢。香港係唔知等幾耐。至於香港其他既問題係先係令人最不安。例如政府已經放棄管治,放棄法治,放棄廉潔,放棄公平選舉,放棄治安,放棄保護人民,放棄金融紀律。當然有好多天材可以響大陸搵錢,仲保到命逃走。但強如雙馬,財產都收歸國有。李+X都變左曱甴皇,係10年前已開始搬大部份財產去歐洲,對大家是一個啟示嗎?係香港既一衆平民真係有能力保護自己財產嗎?我始終覺得早做好過遲做,遲做好過唔做。

另一方面,香港同中國既政治茅盾係冇可能解決到。而中國既選擇亦好清楚。香港人搵錢好醒目,但政治上蠢到好恐怖。唸極都唔明,如果唔同意大陸既做法,去商場唱下歌仔,俾人捉,俾人打,咁可以改變到D乜?我唔係叫人乜都唔做,不過做之前唸下點做先有用。

至於美國,4月份就係香港人權及民主法案第一份報告提交限期。如果淨係出制裁名單就要恭喜大家。但如果取消香港特殊地位,咁唔係攬炒,係香港人自炒。公司關稅有問題。手續同法理上香港同大陸一樣。好多同美國有生意來往既公司都有問題,跟住好多人失業,破產,壞脹,出入口限制⋯⋯。當然如果咁做,好多美國公司本身都中招,所以一路美國政府已經叫美國公司快D搬走減低沖擊。而取消香港特殊地位,對香港一衆官員係完全冇影響仲係會加人工,出OT,繼續五花百門放水俾保皇黨,只不過好多人覺得咁先係”攬炒”,莫名其妙。

仲有負油價,北韓,百國追討中國,肺炎真相,23,一連串核彈級危機。每一樣香港都食得好應。而香港高地價更令人擔心。

到依家我自己既金融資產既調動全部都係經IB去MONZO同CHARLES SCHWAB。MONZO主要係幾儲個月既生活現金。CHARLES SCHWAB就係走資既終點。至於IB,會繼續用同睇住香港既局勢再調動。不過我自己既資產最多係物業,其實2-3年前已經一直賣緊,可惜因種種原因都係未賣到。希望有緣睇到呢篇文章既人可以做好防風措施避過一劫。如果香港人奮鬥左幾十年最後乜都冇晒,我覺得唔係咁公道。