期權(增加股票收入既工具) – 2020年1月19日

之前講過Disney(NYSE:DIS)同埋好基本用槓桿增加收入既方法。今次講最簡單用期權增加收入既方法。

廿幾年前開始玩始投資香港股票同香港股票期權。全要玩HSBC options。當時係賺錢既。之前文章有講點解睇淡中國同香港股票，在此唔重複。除左前景，玩期權好重視交投量，例如當年玩HSBC options已經係香港交投最多既期權，正常市個買賣價隨時都差5-10%，淨係個spread都輸唔少。即係等於你去換外，睇個rate靚唔靚淨係睇買賣差價就得，唔使特登去睇百年個價。個買賣差價越細個rate就越靚。除左spread，可以俾你玩股票期權既選擇淨係指數成份股，即係三十幾隻，仲要好多係冇成交，個spread仲衰。

到開始玩美國股票期權，要揀大交投量，股價上落大，同埋股票價錢合理既玩。開始係$150 -$200個range玩Apple(NASDAQ:APPL) options，個spread大部份時間細過1%，股價上落大，股價價錢當時都好合理（以後再詳細寫Apple股票）。仲有玩過好多其他，不過淨講Options，APPL真係接近完美。不過依家股價$320，同埋個iOS13同Apple streaming堅廢，近排少玩左。不過亦錯過左一個超大既升浪。

美股期權部分，分call（買入股票的期利），put（賣出股票的權利）。每類都有分long（買入），short（沽出），到期日（行使權力的期限），行使價（行使權力時對買入/賣出股票的價格）。每張合約代表100股正股。期權看似簡單，但將上面既因素組合，如合約數量的組合，到期日的組合，買入沽出的組合，行使價的租合，call/put的租合。淨係一隻股票既期權都千變萬化。再加上次講既槓桿，係可控風險範圍內，一年賺幾十%唔係咁難。

我自己個期權倉係Disney上期實好細。股票之前有好多買賣，依家平均成本係$140。之前係$1.26 同$1.15分別short 到期日2月21號既$170 call，同$130 put。即係如果到2月21號，股價升到$170要賣出，跌到$130要買貨。係中間就淨收$2.41。因為Disney個spread唔係特別好同股價上落唔大，所以用3個月時間淨係賺到1.7%一年大約多賺6.8%。當然如果個trade range變做$130-$150咁options個期權金（即係你買入賣出期權時個價）會多啲，但升到$150就被迫要賣出股票。不過如果你加埋股息，槓桿，$130-170個range穩陣之餘收入都唔錯。之後會講再多玩化既股票期權玩法。