2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

Oscar及愚樂圈 – 2021年3月30日

property

最近股市淡靜,又加上Oscar臨近,所以寫下啲同投資冇關既野。

香港紀錄片Do not split同華裔導演作品Nomadland同時間獲Oscar提名。不過最諷刺係做晒禁片不特只,連Oscar都禁播。好彩鍾意睇Oscar既朋友唔係住香港,如果唔係連一年一度盛事都冇得睇。

Nomadland其實都幾貼近流亡海外既香港人心態,離開家園,親人,朋友,四處流亡。途中睇到唔同風景。係唔同地方停留,集合,貢獻自己既知識,互相幫助。不過,離開家園時既問題始終未解決,身份認同,邊度先係真正既家亦冇答案。係英國,美國,加拿大,澳洲或者世界上任何地方,海外香港人永遠都有一個使命就係要幫助解決香港既問題,要為繼續受苦或已經死去既香港人提供救援及討回公道。

至於Do not split其實係好平實既紀錄片,盡量客觀地反影現實。好多最血腥既場面冇係片中出現。但每次睇鎮壓片段既時候都無比沉重。呢段歷史係所有經歷過鎮壓既香港人心裡面永遠都會存在。兩年前既今日真係冇香港人會估到係有生之年會經歷一次地獄遊。至於仲係香港既手足,都係嗰句,無論有錢又好冇錢又好有BNO又好冇BNO又好,希望大家盡快用任何方法逃出魔掌,要海外集結力量先有機會重建家園,無人想再見到任何一個人會變成1940年既猶太人。

另一方面,香港既愚樂圈已經到左極度沉淪既地部。除左岩岩去世既智叔,秋生同何韻詩外,真係冇幾多個仲係正常人。殘又遜身為香港人,揸英國護照,走去做護旗手。其他如成蟲,憎至矮,啖伯,殘乜春,仲有無數既偽人,連做人最基本嘅人格都冇埋。不過永遠都係係最困難嘅時間先睇到真正嘅人格。