過氣科技股？ – 2021年11月25日

有好多過氣科技股，有啲一沉百踩，有啲回光反照。

以前最出名嘅科技股係IBM，廿十幾年前畢業第一份工就係IBM做Engineer。當年都幾好，學到好多野。但近廿年IBM多次轉身失敗。依家主力都係繼續做返legacy system，總之仲有大銀行，大公司仲搬唔走mainframe就繼續食老本。Watson同dash db等概念上係冇問題，但執行極差，產品淪為垃圾。

另外，廿年前紅過一排既Dell同HP。想當年都係當紅炸子雞。係HP都算係高峰既時期做左4年。經常都週圍飛training或kick off或見客。食飯一餐每人都幾千落樓。的士錢一個月claim過萬。但最後轉型software失敗，被迫分拆。Dell同HP都差唔多，不過咁岩得咁橋，兩間今季業績都唔錯，之但係長遠都係睇淡。

另一隻過氣股Intel都講過好多次。好似龜兔賽跑，本來贏幾十條街，一瞓就瞓左十幾年，一覺醒來倒輸幾十條街。

綜合過氣科技股既特點，食老本，唔敢創新，追求短期盈利，缺乏市場觸角。投資前記得睇吓要買既科技股有冇以上特質，有就唸清楚先好買。