2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

Palantir有冇得升? – 2021年3月17日

AI2

Palantir被人吹捧到曉飛,不過你問十個話最少睇$100叫人買既人,有9個都唔知間公司做乜,淨返一個就話做AI囉。

簡單啲講Palantir既software叫Metropolis同Apollo,係一隻有AI能力既ERP或者database。ERP可以幫公司做一啲業務流程,再透過Palantir既AI能力去幫助決策。例如原材料加左價50%,咁應該係零售加價(會影響銷量),定生產其他貨品,定搵代替原材料。有無限可能性。Palantir既軟件可以係特定情況下提供預測,幫助決策。

其實以上做既野都係data scientists既工作,有朋友一路做緊呢啲聽落都好煩既projects。其實用AI做預測,最基本要有數據,講真就算政府部門,數據都唔一定完整同靚。私人就更加唔使講。再者要用AI幫助ERP決策,都要將一堆業務流程設定好,好多做左幾十年既公司,啲嘢轉左幾十手,有好多hidden logic或者個流程煩到爆,呢啲都係要有consultant花費大量時間先執到。

所以從應用層面睇,唔係話隻software冇用或者幫唔到手,只不過要有大量準確既數據同清晰既流程先發揮到功效。做到既公司或政府一定唔多。如果啲數據做到咁靚既公司,佢哋好可能都係一啲有能力自己做AI model既公司。

當然係商業社會,好多時賣到既野只不過係對比下冇咁差既野。好多公司既IT錢多到亂使都唔係新聞。特別係有AI概念,特別好賣。

現市值490億,一年revenue10億,蝕11億。一個要大量投入人力物力去customise既軟件,consultant既人工一定貴,而且生意越大投入越大。唔似做遊戲或其他軟件既公司,做左件野賣幾多就賺幾多,冇晒因為生意好時要再加consultant既人工既問題。Revenue起碼要升到50億先叫合理少少。賺錢真係唔知等幾耐。當然好多人都睇好既。我睇得淡啲。