加人工 – 2021年1月25日

拜登上台幾日已組出左好多新政策。例如將最低工資由$7.25加到$15。加足一倍。

如果經濟好景時加人工係好事。人收入多左，使多啲錢，買多啲野，鋪頭生意又好左。大家都得益。

不過依家係疫情期間，大部分零售停工，或者除日用品鋪頭外，其他鋪頭生意都差左。

啲人已經失業，依家再加人工，做老闆再雪上加霜，想做都做唔住，更多人失業。

另一方面，亦再繼續推動網上銷售，因為真係慳左好多錢出糧俾sales或其他夥計。

至於其他雖要勞動力既工作，亦會大大減少唔同企業既利潤空間。佢哋想請人都要唸清楚，唔會係唔係都請左先。

所以美國都暫時都仲係科技股繼續領先。一來佢地生意少受疫情影響。另外佢地請既工種，例如IT狗，起薪點都應該超過$15蚊。所以科技股仍然係比較安全既選擇。