油公司債券 – 2022年3月24日

入油日日都加價，打仗，物流，疫情都另油價易升難跌。

大約5-6年前第一次玩債券就玩Pemex同Ecopet，一間就墨西哥石油，另一間係哥倫比亞石油。兩間都係國家級石油公司。只要國家唔死，兩間油公司都唔會死。

早2-3年油價平過鑛泉水時，冇錢都係靠國家打救。所以有後台係好啲。當然墨西哥政府同哥倫比亞政府都唔係好強財政，不過石油業係佢地會生金蛋既雞，一定唔可以比佢地死。

以現時世界局死，睇唔到3幾年間油價會暴跌到2-3年前個價，就算跌都會比以前賺多左。所以油公司債都可以考慮。

今個星期美國聯邦儲備局話今年尾利息2.5%，當出年加到5%。如果債券有10%淨回報係可以考慮。Pemex同Ecopet兩隻依家長債都已經有10%左右。

每次當加息出付意料，例如加0.5%，長債價跌，慢慢儲，到第時減息救市時債價大升可賺息賺價。