2022 年 8 月 13 日

美股投資頻道

#投資 #美股 #債券 #REITs #期權 #物業 #優先股

資產配置 – 2022年7月16日

uk

美元繼續大升,但長遠揸美金都係會輸通脹。

美元會繼續升一段時間直到美國加息差唔多加到盡頭。黎緊下次加息已經放風有機會加一里。除非係展望時表明將來加息會減慢,如果唔係美元會繼續好強。

現在唔係亂買野既時候,但係應該抽時間做外啲功課。例如係亂世下,房地產係比較安全。當然係搵一啲你自己熟悉同有信心既市場做功課。

我自己比較熟悉香港,日本同英國既地產市場。香港最易搵錢既日子已經完結。中期政治唔明朗。唔明朗可以大升可以大跌。但人為市好難估,而且唔知將來要吐現有幾難,錢銀進出香港都會有機會有問題,所以除非政局有大變,否則唔會再考慮香港房地產。

日本少子化好多年,原本估佢大攪旅遊同輸入外國勞動力會補充人口。但因covid停左2.5年都唔開關。政府同人民既保守同反應之慢令日本既希望越嚟越低。人口低,冇輸入人口,房地產長期跑輸世界。唯一係依家日本買樓真係好平,做渡假屋係幾好。不過唔知幾時先會放遊客入境。廉航數目都會大減,應該好難好似以前用$500就可以weekend飛日本。

輪到英國,依家樓市需求都係大。租樓都要好快手先爭到。有interest only既投資plan。亦有長期定息plan。不過利息開始高。英國本地人經濟實力唔係咁強。加息,經濟收縮,裁員有機會全部一齊發生。仲有蘇格蘭會唔會獨立。戰爭等都會影響英國經濟,匯率同樓市。但有自住需要,買一啲可負擔同有前景既town既樓,亦可lock住依家比較低既利率。

如果讀者住加拿大,澳洲或其他國家亦可以做定功課。萬一有大跌市時可以快速行動。