2022 年 7 月 6 日

美股投資頻道

#投資 #美股 #債券 #REITs #期權 #物業 #優先股

債券收息袋袋平安 – 2022年6月3日

英女皇登基70年,英國有假期又有大型慶祝。股市亦有反彈。

不過我冇特別再追買股票,只係維持原有組合。反而整體上係一路慢慢增持債券。早排大跌市時好多BA級債券去到息率10%以上。就算冇槓桿回報都吸引,起碼唔使輸通脹。

現階段會繼續非常小心,現金唔可以太少。始終大跌市下幾好既股票都會跌,如果用槓桿就有被斬倉危險。所以市場未大致回復正常時完全唔用槓桿同唔short put。

之前十年股市賺錢太易,今年會點其實係睇實通脹同聯儲局。不過供應鏈斷絕供應,加息加幾多左唔可以修復供應鏈。只可以令到人窮啲使少啲錢。所以加息都係似政治需要多啲。

好似油價,食物,交通,水電煤等生活必需品似乎係一連串加息下價格仲升緊。同時利率上升亦令買樓同租樓成本上脹。咁既大環境下啲人仲夠膽亂使錢消費嗎?企業營利會係消費緊縮同物流及原材料成本上漲下面臨壓力。仲有企業既借貸利息上脹。整體上企業都大機會經營困難。