2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

投資組合重組(2) – 2020年6月15日

results

上次講左投資組合重組既大方向,今天講實際點去做。首先睇高風險高回報部份。佔組合30%,回報要求最少15%。

ARKK同ARKW會係好好既重心,每隻ETF有35-50隻股票,一隻重Internet另一隻重Disruptive Technologies。兩樣都係未來世界既大方向。5年跑贏S&P, ‎Catherine D. Wood亦都proven左佢做portfolio manager既能力。

至於個別股份方面,Microsoft,Google一路都係我既心水,有興趣可以search返我之前既文章睇返點解睇好。

近排研究左好多Tesla,電動車佢真係無敵,係3-5年內完全唔會有對手追得貼。而且,歐盟會有好嚴既法例迫人轉用電動車,世界各國就算未立法都起碼對電動車優惠好大。雖然油價暴跌,但除左美國,加拿大之外,大部位駕駛人仕比既油錢係冇乜點減。揸車揸得多既人用電係平好多。而且如果你住外國仲可以用Tesla Powerwall或者其他太陽能發電。使費更加低。需然Tesla暫時只係美國電動車既主流,但好明顯呢個優勢會係全世界發生。所以Tesla係一個大潮流既leader。

另外,車款既選擇越黎越多,可以配合世界唔同既市場。佢地既電池亦已經去到一般人覺得合理價格同超級耐用既地部。依家其實係等幾間GigaFactory投產,大量推出市場。揸車既人換車既時侯真係冇可能唔考慮Tesla。靜,快,使費平,外型唔差,車價正常,好多好high tech同方便既功能。

當然,我有保留既部份係佢地係上海間廠。會唔會比美國政府限制生產?會唔會技術被偷?會唔會用左黎做武器?

至於比例分配上面,暫時睇法係7.5%比ARKK同ARKW,淨返MSFT,GOOG,TSLA每隻5%,總共30%。MSFT,GOOG,TSLA之間既比例會隨住前境變,但ARKK同ARKW會盡量維持比例唔變。