2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

投資組合回顧(1) – 2020年6月9日

results

終於開始寫下投資組合回顧。自己一路都唔係太有系統同紀律去做投資組合管理,好少用啲好硬既指標。好多時都係跟長期趨勢同公司往績去睇。首先睇吓表現。

開戶3年,近一個月升左好多,回報暫時好過SPX一啲。不過因為個組合波動太大,唔係特別滿意。
最上個條係我個組合,綠色係SPX。肺炎前都跑贏一段。但係大跌期間為左保持liquidity冇去追擊。賺得最多錢既係Apple,但係$200左右已經賣晒。Anyway,係大海嘯都生存到都係一件唔容易既事。

依家組合最大比例既股票係Altria(MO)。大約佔咗10%。比例上我覺得太高。第一次買$50左右,最近一次買係$35左右。平均價$47。計埋收既股息大約打和。呢隻買既時候見佢派息極之穩定。派息比率唔係好高,有buffer。人好奇怪,有時飯可以唔食,但係煙就冇得唔食。我本身好憎人食煙,所以買既時候心態係想從煙民身上賺錢補償番。2018年MO買左Juul同Cronos,即係vaping同weed。又買Anheuser-Busch,即係全部衰嘢集一身。從生意上睇,策略上主部冇錯,事後睇返價錢當然錯左。所以股價先長期偏低。同樣我都有BTI同IMBBY。BTI係高價減持大部份。而IMBBY一向都持股唔多。

長遠會一路減低煙仔股既比倒。係經濟差時雖然防守力強。但好境時唔會大升。同埋高息股稅重。要穩定high yield bond ETF應該仲好啲。另外,就算依家賣左都係揸現金,但冇乜其他好吸引既投資,所以放住先,有需要時就係ATM。