投資組合回顧(3) – 2020年6月10日

第3隻持股最多既股票係GD，大約佔組合6%。一開始買既時候係睇過間公司唔太差，但跑輸其他同類股份太多。派息穩定地升。再加上依家全世界都等打仗，所以一定擴充軍備。但到依家都未到肺炎前水平，買入價$175左右，跌左10%。

策略上唔使蝕賣，因為賣左既錢都唔想咁快用晒出去買貨。一路都係少注買貨。將來重點會多買ETF，雖然回報唔一定最好，但我以前既問題係直接買股，揀錯1，2隻都有機會輸得好金。當然有人會一路睇住個市唔對路就止蝕。但你買得就代表你有信心佢會升先買。今日你買覺得有前境，聽日隻股跌左唔通你又即刻覺得佢唔掂咩。所以用ETF買同一概念，生存到既就生存，生存唔到既就自然淘汰。咁樣成個組合有自我修復能力。

今次會係最後一篇組合回顧。黎緊會寫點大執個組合。因為心態上會有好大轉變。以前個組合太重視收息部份，但好少睇增長。另一方面就係由一般股票轉移到ETF。仲有就係平衡方面都要改善。例如MSFT，自己長期睇好，但持股都係得2-3%，反而唔多睇好既CSCO有成6.5%。