2021 年 5 月 12 日

美股投資頻道

#投資 #美股 #債券 #REITs #期權 #物業 #優先股

英鎊匯價 – 2020年12月10日

money

如果大家準備去英國,好多時都會關心英鎊匯價。我自己8.9入左少少,跟住9.5入左一部份。唔覺唔覺依家升到10.4。

我自己大約維持幾年使既現金係銀行。其他會放去證券行。因為黎英國所以之前已經換左錢。

睇長遠匯價主要睇三樣野。第一樣睇經濟。英國經濟比美國差,同歐洲比,比上不足,比下有餘。Brexit最後一個月。我相信最後點都好,英國同歐洲關係繼續好密切。經濟動力其實好睇將會黎既香港人。香港人如果大量去英國(我估會越來越多人黎,問題係有幾多黎到),英國既經濟會因為香港人有返活力。而且香港人同美國同世界各地做打工同做生意好耐,英國個餅會越做越大。

第二樣睇貨幣供應,大家都印銀紙,不過英會比美國印得冇咁多。所以就算美國經濟好過英國。但英鎊對美金都升唔停。而港幣同美金聯繫匯率,所以英鎊對港幣都一路升。

第三樣睇政治。依家最大既政治事件就係Brexit。

至於換唔換英鎊或者幾時換,要睇你會唔會去英國同埋換錢既目的。如果唔去英國,可以換黎當走資,賺少少匯率。如果唸住去英國就可以分批換。已經有貨唔使換咁多。如果冇貨,分3注,依家換第一注。如果Brexit有壞消息跌到10蚊樓下,可以即刻換第2-3注。如果Brexit有deal,即刻換第2注。第3注就自己睇機會再換。

不過長遠個勢都係易升難跌。我有個朋友由香港公司調去英國分公司一年。份人工淨賺匯率已經10%,勁!

大家可以用連結去Interactive brokers開戶口換錢。匯率全香港最靚,一個月免費匯款去全世界銀行戶口一次。詳細教學連結

5 2 votes
Article Rating
0
Would love your thoughts, please comment.x
()
x