2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

準備全壘打- 2020年2月28日

hit the ball

美股共跌了4000-5000點。強勢股全部大跌,開始人踩人。全壘打機會就快黎。

投資是看價值,買入時機是看價錢。大減價時機黎緊。成個組口跌左唔少,但係同時間有一個好好既機會黎緊。

如果大家相信世界末日,咁唔使睇呢篇文,盡快去做你想做既事情。

如果你唔信世界末日,認為肺炎只係一個危機。咁依家唔係唸點驚,點散貨,而係應該做好部處。當然如果組合有啲差既公司,應該好市唔好市都賣。如果好既公司,千祈千祈千祈唔好因為跌市賣。

我自己既調整係賣出一些不太高息債券同一部份收息股,大約佔成個組合20%。唔係這些債券同高息股唔好,而係部份增長股開始大特價,襯依家增加現金水平分段買入回報更高的。

依家部署係股票每跌10%就增持,大約分5注,比例大約係5%,5%,10%,10%,30%,40%。即係最後一注係現價跌50%。大約12000點。到最後1,2注再決定加大槓桿幾多。也會最後一注睇情況買入call options來加大槓桿。

真正全壘打概念唔難,難在心無雜念,用最大力,最大槓桿打最後一捧。難得既機會黎緊。如果成功可以成個組合升幾倍甚至十倍以上。

P.S.每個人經濟條件唔同,大家投資前適量調整。