2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

買樓必賺? – 2020年9月11日

trap

投資左物業超過廿年,物業絕對係令我賺最多錢既地方。不過,物業投資既吸引力越黎越低。除左一路係香港同日本賣出物業清倉,短期內我都冇打算係英國或其他地方再投資物業。

  1. 風險太集中,一間屋係日本最平都幾十萬,唔好講香港同英國幾百萬起,股票最少買一股都係幾舊水。買ETF或REITs可以好分散,買樓無論租霸,物業維修,搵唔到租客,全部都會上身。當你揸住幾十層樓,一定會有麻煩野上身,差在幾耐中一次。
  2. 好多人搵你分豬肉。管理公司收錢,稅局收錢,經紀收錢,裝修佬收錢,律師收錢。無論合唔合理,或者有冇古惑,好多時你都要俾,要花好多時間逐單逐單睇,唔係俾人吸晒你啲血都唔知咩事。仲有無數嘅paper work,電話,whatsapp,睇樓,negotiation等等。股票除左俾稅,其他既支出真係唔多,冇野要煩。
  3. 商業,鋪位同住宅有一段時間都唔明朗。
  4. 雖然物業好處係有槓桿同低息。但用IB買股已經分別唔大。
  5. 放樓我放左幾年都未賣晒,如果有人等錢使賣樓吐現會係超大獲。仲有機會俾人釘契想賣都賣唔到。股票即賣,2日有錢。

特別係年紀開始大,唔想為收租太勞心勞力。如果有讀者睇完呢篇文仲想買樓收租,我建議大家考慮清楚,再同REITs,高息股同bond比較下。Fixed Income其實仲有好多選擇。以前work既野,唔代表將來都會work。