2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

Revolut – 2020年11月2日

credit cards

好耐之前已經想開Revolut戶口。不過唔知點解係香港開極都有問題。直至最近要開debit card俾亞女用。先發現英國要幫細路仔開debit card有啲難度。

方法一去high street banks(即係大型實體銀行)開個大人戶口,然後再幫細路仔開,不過佢哋超多問題問,都幾煩。好處係有存款保障,亦方便build up係英國既credit history。

方法二,開一啲專為細路仔而設既戶口,有好多功能,例如設立目標俾細路仔存錢,做task加bonus,管理佢哋既錢,好多唔同功能。但要俾月費,一個月幾鎊。同上網App既parental control差唔多。

方法三,將你自己張debit card俾佢,雖然俾張卡佢用係冇投術問題,但法例上,就算係屋企人都唔應該比自己張卡佢用。

方法四,開個Revolut再開個Revolut junior戶口俾細路仔用。有免月費版,淨比5鎊郵費就有一張細細仔既debit card,不過每月只可以入40鎊,但都有基本監察功能。比月費就冇limit而且多好多細路仔管理既功能。

所以最後我就開左Revolut免月費版。Revolut其實幾多功能,可以買保險,可以投資股票或Bitcoin,仲有多種貨幣,睇落功能好多,遲啲用一段時間後會再出post詳細介紹。不過記住Revolut係冇政府既存款保障,所以我唔會入好多錢,都係用嚟日想常少額交易。