2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

第二生命的價值 – 2020年9月2日

anime

繼續琴日既話題,除左閃卡。我仲係屋企發現左好多舊野,跟住攞去賣。其間都發現左好多網上拍賣既技巧同埋體會。

首先,發現左可能因為疫情關係,網上買賣真係多左好多,特別係二手物品。要賣得好除左產品本身有需求,另一樣重點就係影相。網上銷售,影相係極之重要。例如清潔一下物件,乾淨同污糟價錢差一倍。影相背景角度。跟住就係標題,寫一個一見到就吸引人既標題會令到人click入去,已經成功左一半。唸落同股票都好似,要picture到個growth,有story,IPO都係做緊同一樣野。相反,做投資者要知道邊啲係實在,邊啲係吹水,或者識買一件污糟野,清潔完高價賣出去。

定價睇落簡單,其實都唔簡單。太平太貴都唔好,通常市價貴5-10%。有人買可以賣。就算俾人講價都有少少水位減返。如果有一排都賣唔出,就要減下價。減多少亦好睇存倉成本,有啲野大舊,冇乜用,又唔係貴既,就應該減價盡快賣。

跟住做seller既時候,我會搵啲熱門又平價既物品賣,再開比市價低既價錢,做大量成交,做好customer service。即刻可以係一個陌生既網上世界贏到大量好評,所有buyer都係睇你既credibility。雖然開頭賺少左,但係有credibility可以幫你賣以後既貴貨。

好多野,例如傢俬,一買返黎好貴,無論狀況幾好幾新,二手價值大跌。相反一啲少眾物品例如閃卡,袖口鈕,特別既玩具,非必需品,反而價值大升。其實同依家個市差唔多,好多好實在既企業唔值錢,多啲抽象冇咁實在既企業狂升。

除左環保,賣野最好玩既地方係你可以見到個買家,知道一個咩人接收左你鍾意既野,感覺令到你鍾意既野有左第二生命。滿足感大過錢好多。當然,成個過程係學到好多野。