英國賣車 – 2023年9月10日

黎左英國差唔多3年，因為之後有段時間會多啲返日本，保險又差唔多到期，最後今日終於賣車。

本來上carwow拍賣，有人上門收車唔使煩，賣到個價都ok，但等左幾日，賣家放飛機。之後去webuycar賣，要去佢分行賣，去到現場個offer比網上報價平一半都唔止，跟住話唔賣，佢又加價，不過最後個價太差冇賣走左。

然後今朝放autotrader，半日收左10個電話，有3個viewings。第一個睇係印度人3父子。個仔岩岩考到牌，試左一陣就買。

上網通知DVLA新賣家資料，通知保險公司停保險。如果淨返時間夠長有保險同road tax refund。

賣車時都幾傷感，架車其實感覺同女朋友差唔多，有好多回憶。最後同新買家父子叫佢哋好好照顧架車。自己散步一陣先返屋企。