2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

減持物業 – 2020年11月6日

property

有睇開呢個頻道既朋友都知我睇淡物業,物業唔一定全世界都跌,有啲地方一路升緊,不過我係唔鍾意低流動性,同埋錢吐現出黎用實際好多。今個月繼續減持一間香港樓同一間日本樓。當然價錢唔係特別好,不過都冇所謂。

香港淨返一間旺區既劏房,雖然要租俾人唔難,但我都盡量叫租客搬,盡快清空容易賣樓。日本會留返幾間東京中心既,其他離市中心遠少少既已經賣晒。係英國繼續租屋住。朋友話買樓好啲,不過英國既樓真係升得好快。每個人情況唔同,如果打算係英國定居嘅朋友,其實可以考慮買英國樓,自住之餘仲可以搏升值。不過最好租一段時間,熟左地區先買。

至於將要走既朋友,最好係賣左香港樓先走,減低英國稅項,不過如果趕唔切,可以俾兩千幾蚊搵律師授權一個你信得過既人幫你賣樓。咁就唔使因為層樓阻慢移民進度。香港自住樓賣左都可以英國免稅,不過唔好拖太耐。