2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

短期部署 – 2020年6月25日

review

股票繼續之前講既組合調整。現階段唔會大量加大倉位,只會分段小注加入新組合,同時減持舊組合。

物業方面100%繼續吐現策略,不過都係大約30%成交左。物業既缺點係流動性極低,香港物業租金回報都差唔多全世界最低。好景時每年資產升值,依家就係拖住portfolio增長。當然比起買入價最少左升2-3倍,再加租金收入同leverage,呢十幾年都起碼升左4-10倍。雖然2-3年前已經部署清倉,但由於不可控制因素,拖到近呢2-3個月先可以實行。Anyway,以後係點冇人知,繼續按部署做。

日本物業租金回報高,不過管理公司好重要,如果唔係又俾人食住。其實全世界物業管理都大同小異,如果你自己唔係嗰度住,就要極之小心俾管理公司收唔同藉口想搶你既利潤。本來日本樓唸住奧運會時清倉,點知取消都係意料之外。日本最近2-3個月經濟極差。唯一好消息係最近日本本土重開,消費極強。始終人困左咁耐,全世界一重開,人就好似放監衝去買嘢。希望唔好有第二波,盡快出貨。我估賣樓都唔會點賺錢,最多都係賺少少。總結,算係近年比較失敗既投資。

之後會去英國,英國樓買唔買要再睇情況。因為係英國住,買樓投資好處會比較多啲。例如開公司買樓收租再扣稅。不過買樓投資收租都係比較困身既事,就算成班人幫你做野,你都要放好多心機落去。係唔係繼續做,要認真考慮。