eCommerce

平靚正歐洲電話卡 – 2021年1月27日

電話sim卡基本上係人人必備,但歐洲冇深水埗劏卡,上網都幾金。今日介紹張平靚正歐洲卡,一卡在手,開離岸戶口又得,走佬去英國又得,甚至遲啲解封可以去法國嘆紅酒或去瑞士滑雪,正!

係深水埗買張3仔歐洲卡3舊水12GB。但其實你訂左Airbnb之後,直接用黎收sim卡(卡到手先activate)零風險又抵玩好多。

月費10鎊一個月,全歐洲及英國任打電話(歐洲同英國人仲有好多時鍾意打電話),加SMS,再加30GB data(信號好過gifgaff好多),全用3仔4G。無合約,隨時cut都得。如果要求唔高真係可以連屋企個寬頻上網都慳返。

連結開戶第2個月免收一個月月費。之後你再介紹朋友開,又每人免費一個月,真係長玩長有。

如果你係大家族仲抵玩,有group plan加晒號碼比一個人埋單,每加一個號碼全單額外減10%,最多加8個號碼,(我未試過加咁多,如果有人試過請留言update下大家),平到顛。

所以識得玩真係好抵玩。


已發佈

分類:

作者:

標籤:

留言

發佈留言