細細粒容易食 – 2020年9月3日

Apple同Tesla拆細完明顯波動大好多。拆細唔會令公司更值錢。但係多左人買賣，股價波動越大，入場費又低左，用黎玩期權一流。

Tesla由$480跌到$405，期權一日上落幾倍好閒，雖然做long先有機會賺大錢。但我多數做short，穩陣賺少少。除非有明顯大方向先做long。即係我鍾意賣保險多過買保險。大家可以去討論區睇我貼市既trade。

拆細令到每張100股既期權比以前低到得返20-25%。做策略都靈活好多，唔使好似Tesla以前short一張期權都有成過100萬既風險。依家30萬做好好多。

拆細同樣令股票每日上落大，做賣保險既期權金又自然高左。當然，如果你對隻股票冇信心千祈唔好咁玩。同埋要量力而為，拆細左都30萬一張期權，唔好去到咁盡。

當然，如果繼續升，慢慢又有股價過高難入場既問題，不過到時又可以再拆細。好似Apple已經拆過幾次。