2021 年 5 月 12 日

美股投資頻道

#投資 #美股 #債券 #REITs #期權 #物業 #優先股

Starling戶口詳細介紹 – 2020年12月28日

credit cards

係英國封城前因有事要去歐洲,其間主要用Transferwise同Starling。

Transferwise 介紹左好多次,絕對適合未有英國地址去申請debit卡既朋友,匯率除左IB以外差唔多算最靚,冇英國政府保證,由香港戶口直接入錢,要用時每次入3幾千絕對快靚正,用連結開戶頭5000千蚊匯錢免手續費,再加第一次用debit card購物有50蚊回贈。抵玩。由申請到轉運到香港收到debit card要一個月以上,盡快做唔好拖。詳細教學

HSBC U.K.係有機會因HSBC HK戶口被凍結就連全世界既戶口都一齊凍結。講到明英國咁多銀行,唔好貪匯錢免費就用HSBC,多多都唔夠輸。其他英國大bank開戶口煩到嘔,差唔多要除埋底褲比佢睇你有冇收埋錢,佢問你既問題多到亞媽都唔認得,開戶又要預約分行,又慢,又要排隊,又等餐懵都未開到,打電話去hotline等你半個鐘你仲要俾錢佢。今時今日太空船都去火星啦,銀行服務仲停留係清朝,唔係掛。

英國Virtual bank龍頭加始祖Monzo又話蝕得勁。所以Starling變左簡單又比較安全既選擇。當然Touch wood兩間是旦一間執笠政府都最高賠85000英鎊,等一,兩個星期。風險細。而家英國做銀行做左一,兩百年,亦係經營得最好,比較有信心。

去歐洲用starling好正,你有starling 英國戶口,開app㩒制即有歐元戶口。換錢rate都靚,不過要額外收0.4%。當然用IB轉入starling歐元戶口又係一個月一次免費加最靚rate。如果IB一個月轉多過一次錢,係IB揀用SEPA轉,只收1歐元一次。1-2日收到錢。算唔錯。

個界面好簡單,左上角自由轉換英鎊同歐元戶口。Home直接睇到結餘同消費分類。留意歐元有負利率,結餘多過50000歐元係有罰息。

用同一張debit card就可以簽晒英鎊同歐元。只要係cards, cards and currency controls第一項揀EUR card spending就得。密碼都係同英鎊卡一樣。Contact less或Apple pay一樣得。

另一樣好正既係Space例如你開個Space比仔女做零用錢,即刻係隻app度叫佢將個Space link一張新card。咁佢就寄張新卡比你,張卡只可用你轉比Space既錢。同時Space既消費即刻睇到,可以知佢地有冇亂用錢。仲可以即時lock卡。寄新卡免費仲可以開唔同既Space分門別類。真係好好用。

暫時我都覺得Starling雖然唔多花巧嘢,但好實用,有英國政府保更安心。唯一要求係有英國地址證明先開到。

0 0 votes
Article Rating
0
Would love your thoughts, please comment.x
()
x