Starlink – 2020年11月10日

Starlink已經開左beta test。簡單講，Starlink就係用人造衛星上網既科技。

人造衛星上網唔係新野，幾十年前都有，以前去非洲開廠，要將當地既資料傳返香港，人造衛星係其中一個方法。當然速度慢，一條線價錢每月超過十萬。

Starlink特別之處係將人造衛星既高度由35000公里，減到5000公里。好處係傳送速度快左大約7倍。比現時主流既海底電纜經光纖仲快。

咁點解幾十年前啲人唔將人造衛星既高度減低呢？因為人造衛星射上天係好貴，放高啲，咁你用少啲既衛星都覆蓋到全世界。

Starlink其實係靠SpaceX既火箭回收技術，將大量人造衛星平價地射上天。目標係射4-5萬隻係天。真係成天都係衛星。

咁Starlink比依家既internet上網有乜好處呢？依家除左發遲地區，其實好多地方唔係咁易駁線上線，甚至手提都未必收得好。例如住西貢村屋既朋友，駁線貴，同埋冇得揀用邊間。

另一好處就係唔怕天災影響，例如海底光纖斷咗，本地線路故障等等。呢啲係發展中國家經常發生既問題。

另一樣就係流動性，理論上join左個plan，只要攞住個equipment應該全世界都上到網。

仲有一樣就係減少網絡監控，假設Starlink唔監控你既話。

想投資Starlink，未有得買住，不過傳聞話Tesla股東有得優先認購，唔知真定假。