2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

準過天文台 – 2020年11月24日

google

今日講一個分析股票時好重要既工具。睇完一埋數字,自己親身試過產品,其實好多時唔單單你自己鍾唔鍾意,最緊要係其他消費者鍾唔鍾意。

以前介紹過seeking alpha俾大家睇股票分析。睇完其他人分析,最緊要fact check同埋唔好淨係睇財務報表。因為財務報表淨係講左以往歷史,雖然對將來有少少預測性,但買股票除左有良好歷史,好既前景先最重要。

我用黎預測將來既工具多數係Google trends再用forum或其他相關網站睇用家reviews咁大致上會有一個唔差既估算。

例如上圖,我用Google trend比對唔同產品或服務有幾多人有興趣。重點係比較,可以同類既野或者唔同類既野,但起碼有啲嘢你自己benchmark到。例如今年年頭animal crossing原來同依家ps5能夠引起人興趣既能力差唔多。間接上都睇到Animal crossing對Nintendo Switch既影響。

Disney+既Mandalorian原來比香港Netflix大熱既Queen’s Gambit係美國更受觀眾注意。同樣到,可以用Google trends轉睇其他國家或全世界又點。

當然大家可以用唔同地區,唔同比較字眼去推算一件產品或服務有幾大吸引力。吸引力間接都反映銷售額。如例如你想研究一間公司,你可以用佢最top既幾樣產品同市場上幾個最強既幾個對手最top既產品做比較。比較得越多,越了解到人既品味,需求同唸法。

用以上方法比淨睇財務報表更能夠掌握公司將來短期趨勢。