股市 vs 樓市 vs 債市 – 2021年11月9日

剛剛過咗既週末慶祝生日。每年過生日時都習慣回顧過去一年發生既事。有過心既事,有唔開心既事,不過年紀越大越覺得要隨緣。唔係所有野都有能力可以控制,有啲野盡左力如果唔成功都冇辦法。

投資方面,今年係近十幾年黎第一次股票比重大過樓。回報唔差。但操作過後,觀察到最大投資回報分野係槓桿。如果用同樣槓桿下,股票比樓賺得多。但樓迫你最少都2-3倍槓桿。英國甚至可用6倍以上。但股票好多時都係唔用槓桿,或者用少少。買入期權可以用高槓桿,但我自己唔太鍾意賭。我鍾意必贏。所以買期權既比例好低。

買樓用30% down payment,一年升10%已經賺左33%。仲未計收租。買股票一般情況下我都冇用槓桿,所以要跑贏樓絕對唔易。

債券算係中間,3倍槓桿。

未來一年要再研究下會唔會投資英國樓市。係英國冇credit history唔易借錢。同埋自己都未必好想重頭做一次係香港同日本做過既野。始終,人生裡面有好多野比錢更重要。有時間會再衡量一下做乜野更加適合自己。


已發佈

分類:

作者:

標籤:

留言

發佈留言