投資美國節稅方法 – 2023年7月20日

大部份既讀者都係香港人，有啲住香港，有啲住英國。

住香港既香港人投資美股收息要俾30% withholding tax。如果買高息股長遠計都幾重皮。當然可以去美國領事館宣誓申請美國IRS戶口，然後每年計一堆數再填表寄美國申請公司海外收入退回部份withholding tax 。但真係唔係普通人可以簡單做到。所以我以前係香港都冇申請退稅。

至於到左英國既香港人，將美股戶口轉英國後withholding tax會變15%。但唔可以買etf。同埋有capital gain tax。當然如果冇英國本地收入又冇匯錢到英國，咁可以申請non domicile remittance basis，咁7年內唔使交稅。或者申請tax credit將外國交既稅減免英國雙重徵稅。

至於債券，在香港香港人唔使比withholding tax。或者增長股，派息少既股票都一樣可減少交稅。在英國香港人可以用返non domicile 減免7年。當然最後如果要將錢搬返英國都係要收稅。

其他地方如美國，加拿大全部都要global tax向海外收入徵稅。比較出名冇global tax而香港人又熟悉既地方只有香港同新加坡。

如果全球收入多，又唔係住香港或新加坡，咁可能都要搵稅務顧問計計數。