robot

科技股最新情況 – 2020年8月28日

差唔多全部科技股都升得好厲害。依家投資有啲似暴雪下去滑雪,視野唔清楚,但風吹下令到速度好快。其實滑雪同投資一樣,重心向前唔好縮,不過控制好速度,帶好頭盔。盡情享受暴雪下既刺激。

Apple拆細,雖然向方面發展唔錯,例如眼鏡,9月又發怖會,不過$500幾蚊我唔會加注。Short左$370既Put,低位接貨就安全好多,接唔到就淨收期權金。正股一股不賣,等拆細再升。風險主要都係大陸市場,會唔會被報復。App store爭議反而應該冇乜問題。

Tesla用之前既無本生股淨係儲得好少股票,但依家以經升左一陪,快到生唔切。依家要再生股快就要做高個期權價。不過我唔會太進取。雖然我好睇好佢既前景,但返轉頭,賺錢又真係太少,而且仲一路要投資,科研。美國同中國係做得好,歐洲暫時未得。要再等機會加注。

Microsoft穩打穩札。唯一負面係如果收購唔到Tiktok。股票短期會跌,成功收到都有機會短暫襯好消息出貨。大約$200左右加注比較安全,都可以繼續short put收錢。

Facebook其實我係越嚟越正面,係疫情下預期廣告費大跌,反而佢哋嘅廣告係升。明顯係呢方面比Google強。Google近期好多方面好慢,睇唔到有新野出。Facebook除左營運做得好。又快出Reels,襯機殺返Tiktok。所以琴晚大跌,我有short put,希望大約$240-250可以買到貨。因為Facebook proven左佢自己既value。

Square有少少炒過龍,不過繼續向好方面發展。Netflix我自己好少跟,除左睇佢啲片。

Amazon我從來未直接買過。短期冇打算買。


已發佈

分類:

作者:

標籤:

留言

發佈留言