Tesla AI機械人 – 2021年8月23日

Tesla唔係汽車公司，佢最值錢既係人工智能既自動駕駛技術。

隨住自動駕駛開始成熟。Tesla又開多一條新戰線就係AI機械人。我大約5年前開始做AI，同朋友一齊開過AI公司。其實AI技術已經好成熟，但真正既AI公司唔多。Tesla，Amazon同Google可以話最強既AI公司。

Amazon同Google比較係一啲睇唔到既AI項目例如認相，自動問答，forecast等等。Tesla自動駕駛比較容易比人見到同感受到。

Tesla既研發執行力好強，可以實實在在做到自動駕駛，火箭同衛星上網。講到機械人唔可以唔講Boston dynamics，早幾年睇佢哋既機械人已經強到嚇死人。

如果Tesla可以收購或同Boston dynamics合作。應該可以2-3年內已經有好強勁既AI機械人問世。不過就算Tesla自己做，都唔會差太多，可能要再多2-3年。

當Tesla既AI機械人出世，應該會用黎做廉價勞工。低技術工人份工唔穩陣。再之後如果做Robocop咁就變左同電影一樣大檸樂。當然我覺得Elon唔會用AI做Robocop，但佢係唔係永遠可以控制Tesla?始終AI戰爭或被極權利用時真係可以慘過世界末日。