保險佬 – 2021年1月14日

保險公司好唔好做呢?唔使賠錢未好做囉，要賠錢梗係唔好做啦。不過乜都係睇風險同回報。

簡簡單單買Ark一年都可以賺唔少。不過我自己都係做好多期權。大部分時間都係做保險佬角色，即係short put 或short call。長期又有，短期又有。

長期有啲好極端嘅例子。例如我$1.2沽左Tesla一年後$70既put。即係有人估Tesla一年後可以跌到$70。都幾極端。不過2000年科網股真係唔少公司跌9成再執笠。Tesla起碼實實在在有架車，又識自己行，舊年做到50萬架，就算唔睇好又真係唔使睇到$70咁悲觀。

咁我沽左put每手收$120，一年後如果跌到$70，未$70接貨囉。風險低，回報低。不過起碼依家唔想揸重貨，啲錢又唔使白放，未賣保險囉。

至於正股繼續長揸，唔會賣，不過唔會依家主動加注，除非有比較大既跌幅。