2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

Tesla驚唔驚?- 2020年7月27日

Tesla係一間改變世界既公司,由電車到太陽能到電池。成個發展方向完全冇問題,而且做到互補同埋成個ecosystem。但暫時我比較擔心係Tesla上海,所以冇加注。

長江三峽洪水已經發生左好耐,唔係新聞,上海會唔會水浸,依家暫時睇落應該唔會浸得好勁,但有機會小浸。水浸有機會影響生產,銷售,物流,甚至已經生產好既車。至於買家都會受經濟情況影響。

中美經濟戰爭已經開始左,人民幣匯率大部分人睇跌,Tesla上海既收入最尾會轉做美金入賬。當然如果Tesla上海係做Export,會對Tesla有利,但如果內銷就會有負面影響。不過暫時搵唔到實際出口比例。Elon話會做Export。當然其他關稅上既問題都有唔同程度影響。但Elon好識做去Texas開廠,Trump就幫佢做宣傳Made in America。另一方面,係上海開廠都明顯同大陸關係唔差。暫時睇Tesla係小數係中美之間仲生存到既企業,起碼比匯豐政治智慧好100倍。

仲有就係中美會唔會有實際軍事衝突。閂大使館事小,但萬一之後使館裡面既人講左一啲好爆既野,咁就乜事都有可能發生。

最壞打算,以上任何情況發生左,而Tesla上海Total Loss。銷售影響20%。所以我暫時唔會現價買股。但會繼續Sell put options。大約$800-$1000左右接貨。如果跌唔落就收住期權金先。不過我都重申長線睇好。但要等靚價入貨。